Убавата Бијонсе неодамна ја снимаше насловната страна за популарното фитнес списание "Shape", а сега, кога новиот број конечно излезе, дознаваме и како ја одржува својата витка фигура...

"Не сум природно витка жена. Спаѓам во онаа категорија на луѓе кои мораат напорно да работат за да ја задржат витката линија. Не сме сите исти", признала Бијонсе.

Со бројните кардио вежби, после породувањето, Бијонсе се придржува и кон нискокалорчна исхрана и "бега" од одредени намирници.

"Се држев подалеку од црвеното месо и јадев многу риба, интегрални тестенини и ориз", изјавила и објаснила дека доручекот и е навистина важен. "Секога доручкувам, на пример, омлет од белки, микс од зеленчук или житарки со нискокалорично месо. За ручек и вечера јадам многу овошје и риба. Исто така, пијам многу вода за да не дехидрирам."

Дали некогаш се почестува со некоја посластица?

"Во недела секогаш го јадам јадењето кое го обожавам. Тоа е најчесто пицата која најмногу ја сакам."