Проблематичната актерка се договори со судот, па наместо 240 дена зад решетки, ќе помине „само“ 90 заклучена во центарот за лечење од болест на зависност.

Линдзи повторно беше на суд поради лажење на полицијата по сообраќајната несреќа минатата година кога се уште беше на условна поради кражба на накит во 2011 година. Меѓутоа, Линдзи Лохан сега се призна, па судот и нареди рехабилитација наредните три месеци.

Според пишувањето на американските медиуми, Линдзи би можела веќе во понеделник да почне со служење на казната, која покрај 90 дена зад бравите на некој центар за одвикнување, опфаќа и 30 дена социјално корисна работа во родниот и Њујорк, 18 месеци редовно одење на психотерапија и надокнадување на штетата на човекот кој во јуни го удри со својот автомобил.

Доколку било која од овие одлуки не ги испочитува до крај, ја следува затвор, но и ново судење за непочитување на одлуката на судот поради што би можела зад решетките да заглави и неколку години.

Списанието People пишува дека судијата ја советувал од сега повеќе да не седи зад воланот и да се држи до договореното, инаку не и се пишува добро.