Иако на целиот свет тоа му беше јасно, двајцата спортисти сега и официјално ја потврдија својата врска.

Најпознатиот голфер на планетата на својот сајт објави кратко соопштение во кое ја потврди врската и неколку фотографии со, сега и официјално новата девојка, скијачката Линдзи Вон.

„Линдзи и јас бевме пријатели некое време, но последните месеци се се промени и сега се забавуваме. Ве молиме да ја почитувате нашата приватност“, наведено е во соопштението на сајтот на голферот.

Иако порано ја негираше врската со Тајгер, и Линдзи за списанието People потврди дека „до уши“ е вљубена во проблематичниот спортист.

„Знам дека ова не беше најдобро чувана тајна, но ние навистина прво бевме пријатели, а потоа тоа прерасна во нешто преубаво. Пресреќна сум.“