Оскаровецот наводно ја раскинал врската со Стејси Киблер, пишува американскиот печат.

Џорџ Клуни (51) и Стејси (33) се во врска година и пол дена, но Huffington Post пишува дека парот „тивко“ раскинал минатата недела.

„Не е најголемиот проблем разликата во годините, туку во карактерите. Стејси сака да излегува и да се забавува, а Џорџ е повеќе за помирна варијанта. Едвај разговараа последните неколку месеци, едноставно сакаат различни работи“, рече извор близок на парот.

Клуни и Киблер неодамна се појавија прегрнати и дотерани на доделувањето на Оскарите, но од тогаш не се видени заедно. Актерот, кој ретко зборува за својот приватен живот, не се огласи по повод приказната за раскинувањето.