Британските фотографи му дофрлувале на пејачот дека е „мал кретен“, а тој почнал да се дере и тргнал да ги нападне.

Џастин Бибер веќе е во проблеми до гуша - ќе мора да плати казна од 300.000 фунти поради доцнење на концертот, падна на сцената и помина неколку часа во болница, а сега и папараците додале бензин на огнот.

Додека излегувал од својот хотел во Лондон, го опкружиле папараци кои ги турнал од себе, а еден од нив му дофрлил дека е „мал кретен“. Иако Џастин тогаш веќе влегол во автомобилот, излетал од црниот џип и почнал да вреска.

„Што е*ено рече, е*ено ќе те претепам, човече“, се дерел Џастин и се обидувал да ги нападне папараците, а припадник на неговото обезбедување едвај го турнал назад во автомобилот.

Папараците останале пред хотелот, да викаат „врати се кога си без ‘горила’, па да видиме“, а Бибер на Twitter кратко напиша дека имал лоша недела, и си дозволил себеси да го изнервираат папараците.