Пејачот е префрлен во болница со респиторни проблеми.

На Џастин Бибер баш му „тргна“ овие денови. Прво го прослави „најлошиот роденден досега“, потоа мораше да плати 300.000 фунти казна поради концертот на кој доцнел, а сега му се слоши.

Пејачот се срушил на бината за време на концертот во Лондон. Неговиот менаџер Скутер Браун кажал дека Џастин повеќе пати за време на концертот се пожалил дека тешко дише, и покрај тоа што во бекстејџот му е даден кислород, му се слошило пред фановите.

„Префрлен е во болница, лекарите сакале да утврдат дали има некој проблем со белите дробови“, кратко кажал Браун.

Бибер, пишува британскиот печат, сепак почекал да заврши концертот пред да замине во болница.