Момчето на Katie Price - Jordan во медиумите изјавил дека се облекува како жена само за посебни моменти.



Моментално најинтересниот борец во кафези во последно време е мета за потсмев поради преоблекувањето во жена која го носи името Roxanne. На почетокот се чинело дека е во прашање дел од имагинацијата на Katie Price, која еднаш на шега го нарекла Roxanne, а тогаш Reid бил уверен дека Jordan сака да го откачи. Набргу се појавила фотографија од пред 5 години на која Reid е облечен како ученичка и во друштво на двајца мажи седи на маса во еден паб, со раширени нозе.



Дури сега, откако поранешниот сопруг на Jordan, пејачот Peter Andre му напоменал дека нема да го толерира таквото девијантно однесување пред своите деца, борачот во кафези решил да проговори за се. „Забавно ми е да се облекувам во женска облека. Таков сум и немам што да кријам. Горд сум поради тоа. Не се грижам за друштвените стигми. Па што ако бидам облечен во фустан и таков излезам да прошетам? Тоа не го правам секој ден. Мора да има некоја посебна причина за тоа“ - изјавил Alex Reid. Својата девојка ја опишал како мајка на три деца и негова сродна душа што и по малку го плаши: „Постои голема привлечност меѓу нас двајцата и нема да дозволиме околината да ги креира нашите животи. Многу ја сакам“ - изјавил Reid, кој се согласил и со тоа дека и двајцата сакаат да ги тестираат границите на се, а не само во сексот. Ги демантирал обвинувањата дека учествувал во порно филм кој го слави силувањето, објаснувајќи дека е во прашање професионално снимање на љубовна сцена со одговарачка филмска актерка.



Reid не му останал должен ниту на Peter Andre по изјавата дека синот на Jordan и Peter Andre еднаш го нарекол татко. „Секако дека веднаш го исправив момчето, објаснувајќи му дека не сум јас неговиот татко. Колку и да сакам да бидам негов татко, не можам затоа што тој веќе си има татко. Peter е добар со него. Некогаш не би сакал да дојдам во ситуација да морам да го оспорувам неговото татковство“ - изјавил Reid. Katie Price почнала да излегува со Alex откако заедно биле на роденденската забава на нејзината пријателка Michelle Heaton. Старлетата се „врза“ само 8 недели откако раскина со Peter Andre, со кого беше во брак 3 ипол години.