Поради сериозна повреда, пејачката ја откажува цела американска турнеја. Наскоро ќе биде оперирана и и претстои подолго опоравување.

Лејди Гага напиша на Facebook дека за време на претходните месеци на играње на сцената и вежбајќи кореографии успеала да се повреди, и дека мислела дека повредата ќе се санира „сама од себе“ но дека тоа сепак е невозможно.

„Со месеци играм и настапувам на балови, но кажано ми е дека повеќе не можам така. По синоќешниот настап, веќе не сум во состојба да одам од болка. Срцето ми пука, но морам да ги одложам настапите“, напиша пејачката.

Таа додаде дека сега има синовитис, тешко воспаление на зглобовите, кое го зафатило нејзиниот колк. Нејзиниот портпаролски тим потврдил дека пејачката ќе мора да биде оперирана и дека по операцијата ќе мора да остане да мирува.