Австралиското списание "Woman`s Day" објави фотографии од бремената војвотка на Кембриџ Кејт Мидлтон во костим за капење за време на одморот со принцот Вилијам на островот Мустик...

На фотографиите се гледа среќната кралска двојка, фатени за раце за време на прошетка по плажа на Карибите на осамениот остров Мустик. Според британските медиуми пакетот фотографии на бремената Кејт во костим за капење се продаваат за 100 000 фунти.

Главниот уредник на изданието Фиона Конли изјави дека кралската двојка не се "заштитен вид" надвор од Велика Британија. "Одлуката да ги објавам фотографиите не беше тешка. Кејт е на јавна плажа, опкружена со други туристи и изгледа одлично", изјави уредничката.

Италијанското издание "Chi" исто така се здоби со фотографиите кои се на насловната страница со наслов "Меден месец за тројца".