Актерот Роуан Аткинсон за поправката на својот автомобил платил речиси милион фунти.

Секој кој некогаш доживеал сообраќајна несреќа знае колку долго траат и колку се скапи поправките на автомобилот, а искуството на Роуан Аткинсон, попознат како Мистер Бин, секако е едно од најлошите.

За поправка на неговиот болид Мекларен F1, многу редок автомобил, кој го тресна во 2011 година, морал да чека повеќе од година дена и да плати повеќе од 900.000 фунти (1,4 милиони долари). Тоа е една од најскапите поправки на автомобили забележани во Велика Британија.

Кога се судрил со автомобилот, Аткинсон го повреди рамото, но брзо се опорави. Автомобилот го купил во 1997 година, а го платил 610.000 фунти.

Каросеријата на овие суперавтомобили е од јаглени влакна, па и најмалата гребнатинка претставува голем проблем за автомеханичарите. Покрај тоа, делот од куќиштето на моторот е направен од злато како најдобар спроводник на топлина.

„Овие автомобили се поскапи поради материјалот од кој се направени“, објасни професионалец од една осигурителна куќа.

ТОј истакна дека сопствениците обично многу внимаваат на своите луксузни лимузини и ги возат само неколку пати годишно и тоа исклучиво по совршени временски услови.

Актерот неодамна за списанието Classic & Sports Cars кажа дека суперавтомобилите треба да се возат, а не да се кријат во гаражата.

„Ме депримира кога одлични автомобили се чуваат во гаражата. Злосторство е да не се возат“, кажа тој.

Последниот Мекларен F1 кој е продаден на пазарот бил проценет на 3,5 милиони фунти.