Постариот актер влегол на факултетот во Висконсин и протестирал поради правата на животните.

Џејмс Кромвел (73) уапсен е откако упаднал на состанокот на управниот одбор на Универзитетот во Висконсин и протестирал поради тестовите на мачки кои се вршат во таа установа.

Актерот влетал мавтајќи со постер со слика од мачка чија глава е стисната со медицински стегач, и викал како на тој Универзитет годишно убиваат најмалку 30 мачки поради сурови, непотребни експерименти.

Кромвел е уапсен и притворен, но набргу е пуштен со кауција. Актерот е познат по улогите во филмовите „Зелена милја“, „Доверливо од Лос Анџелес“, „Јас, робот“, а неодамна оствари одлична улога на избеган нацист во втората сезона на серијата „Американска хорор приказна“.