Пејачот на Twitter се пожали дека животот му е тежок.

Крис Браун на Twitter се пожали од се - медиумите кои го следат насекаде, фановите кои не го оставаат на мир... Пејачот, кој поради претепувањето на Ријана е осуден на условна, а неодамна се степа со Френк Оушн, напиша дека неговиот живот е пекол.

„Јас сум човечко суштество и заслужувам почит! Ја разбирам омразата, но доста ми е од се, доста ми е од тоа луѓето да ме хејтаат! Зарем не сфаќате дека јас сум под лупата на јавноста од деветнаесет години“, почна Браун.

„Уморен сум, уморен, не можам повеќе да седам и да глумам жртва. Штом ќе ми тргне, веднаш се случува некое ново ср*ње. Ден во моја кожа е ден во пеколот“, напиша тој.

На Браун уште му нема истечено условната казна поради претепувањето на Ријана, со која повторно е во врска. Американскиот суд моментално истражува дали ги лажирал податоците за извршување на социјално-корисна работа, па можеби тоа е „ударот“ кој го натера да се пожали на Twitter.