Книгата „Сеќавање на Витни“ го подлабочи јазот меѓу бабата и внуката.

Сиси Хјустон (79) неодамна објави книга чија единствена тема беше нејзиниот однос со ќерката, покојната пејачка Витни Хјустон. Ќерката на пејачката, Боби Кристина, на Twitter ги повика фановите да не ја купуваат книгата.

„Бојкотирајте ја ‘Сеќавање на Витни’. Немам никаква врска со книгата на баба, ниту ја одобрувам или ја поддржувам на било кој начин“, напиша деветнаесет годишната девојка на социјалната мрежа.

Мајката на Витни, Сиси, гостуваше кај Опра Винфри минатата недела за да ја промовира книгата, и во таа прилика призна дека нејзиниот однос со внуката значително заладил, затоа што Боби Кристина не сакала Сиси да ја напише книгата за нејзината мајка.