Пејачката сведочила против поранешната помошничка која ја тужела. Гага изјавила дека за разлика од неа, е кралица на вселената.

„Јас сум прекрасна кон сите кои работат за мене и целосно сум збунета што едно толку одвратно човечко суштество може да ме тужи. Таа спиеше во египетски памук секоја вечер во најскапите хотели, јадеше кавијар и летеше на приватни авиони“, рече Лејди Гага за поранешната помошничка Џенифер О’Нил, која ја тужеше познатата пејачка дека не и ги платила прекувремените часови работа.

О’Нил работеше за пејачката две години, во периодот од 2009 до 2011 година и барала 393.000 долари за надополнување на прекувремената работа во траење од 7.168 часа.

„Таа мисли дека е кралица на вселената. Таа не сакаше да ме служи затоа што јас сум поради својата работа кралица на вселената секој ден. Јас ќе ги дадам сите пари кои таа ги бара на моите вработени кои макотрпно работат за мене и го заслужуваат тоа. Нема да и го дадам на неа, затоа што ќе оди во шопинг и се ќе истроши“, кажа пејачката на сведочењето.

Таа раскажа дека помошничката знаела дека нема да и ги плати прекувремените часови, затоа што се договориле годишната плата да и биде 75.000 долари.

„Не и платив прекувремено ни првиот пат кога ја вработив, па зошто би и плаќала сега“, се бранеше Гага.

Нејзината помошничка се пожалила дека работела како робинка во 2011 година.

„Секогаш морав да и додавам крпа по туширањето и и служев речиси се. Се случуваше да немам пауза за оброци и спиење, затоа што морав да и бидам на располагање 24 часа на ден“, рече помошничката.