Лејди Гага, Крис Браун, Бијонсе и многу други се на списокот на оние на кои YouTube им го намалил бројот на „кликови“.

YouTube кон крајот на минатата година соопшти дека ќе се пресмета со хакерското „накликување“ на прегледи на спотовите на поедини изведувачи.

На многу луѓе им се смачило да слушаат за тоа дека „тој и тој“ има стотина милиони кликови на свое просечно видео, а управата на сајтот ги истражила тие случаи и заклучила - на дело се хакери од музичката индустрија.

Лејди Гага така изгуби 156 милиони прегледи од својот LadyGagaVEVO YouTube канал, а значаен број на прегледи изгубиле и Бијонсе, Крис Браун, па и кралот на попот, Мајкл Џексон.

„Не станува збор за ‘баг’, туку за спроведување на фер политика при пребројувањето на прегледите. Утврдено е дека хакерите се платени од страна на издавачките куќи за вештачки да ги ‘билдаат’ прегледите на спотовите“, соопшти YouTube.