Јужнокорејската музичка и интернет сензација Псај, чиј „коњски“ танц ја зарази планетата, ќе биде ѕвезда на инаугурацијата на новоизбраната претседателка на Јужна Кореја.

Тамошните власти соопштиле дека популарниот рапер ќе настапи пред околу 60.000 луѓе на свеченоста по повод инаугурацијата на претседателката Парк Геун Хје.

Свеченоста, на која Парк и формално ќе стане претседателка, ќе биде одржана на 25 февруари пред зградата на парламентот во јужнокорејската престолнина Сеула, но се уште не се знае дали Псај ќе ја пее националната химна или својот Gangnam.

Gangnam Style моментално е најгледаното видео на сајтот YouTube и бројот на прегледи постојано расте, а Псај благодарение на само таа песна веќе е милионер.