Славната пејачка веќе 20 години живее во Швајцарија и сега одлучи тоа да го озакони. Кога ќе добие тамошниот пасош, пејачката ќе се откаже од Американското државјанство.

„Среќна сум во Швајцарија затоа што овде се чувствувам како дома... Не можам да замислам подобро место за живот“, изјави Тина Тарнер (73) која во „земјата на часовниците и сирењето“ се досели во 1995 година, кога нејзиниот долгогодишен партнер Ервин Бак се пресели во Цирих поради работа.

Парот прво живееше во Цирих, а после неколку години купија голем имот во градчето Кузнахт кое, како што вели Тина, и пружа целосна приватност што никогаш не можела да ја има во Америка.

На сајтот на локалниот градски совет објавено е дека на Тина и е одобрено државјанство, но оваа одлука уште треба официјално да ја одобрат државните и федералните власти.

Портпаролот на пејачката, чие вистинско име е Ана Ми Булок, за швајцарскиот весник Blick потврди дека Тина планира да се откаже од американското државјанство затоа што „САД веќе повеќе од две децении не го смета за свој дом“.