Актерот призна дека е во врска со бивша ѕвезда на филмови за возрасни која, вели, е кажи-речи женска верзија од него.
Шин (47) и Џорџија Џонс (24) се смуваа пред Нова година, а гостувајќи во шоуто кај Пирс Морган актерот не ги штедеше зборовите на пофалба за својата драга чии филмови редовно ги гледал и не се срами да признае дека е голем фан на нејзината работа...
„Таа е неверојатна. Бев нејзин обожавател и често го пишував нејзиното име во пребарувачите на интернет. Многу е помлада од мене, но затоа е многу сексипилна. Таа е нешто како женска верзија од мене, имаме слични особини и квалитети и многу е забавна“, ја испофали Шин својата нова девојка.
Шин вели дека Џорџија пред неколку години престанала да се занимава со снимање на филмови за возрасни, но дека и да не престанала, нему не би му сметало да биде во врска со неа затоа што се вљубил.
На проблематичниот актер ова не му е прв пат да се вљуби во порно ѕвезда. Шин пред две години, кога доживеа нервен слом и доби отказ од серијата „Два и пол мажи“, живееше со две порно актерки кои ги нарекуваше свои „божици“, но тие го оставија кога почна да претерува со алкохолот и дрогата.
Сега, барем што се однесува до јавните испади во алкохолирана состојба, се смири, а на есен ќе стане и дедо што е, како што вели, најубавата вест која ја добил во последните неколку години.
