Амбер Херд го оставила актерот поради француската манекенка Мари Де Вилпен.

За врската на Џони Деп (49) и Амбер Херд (26) медиумите брмчеа речиси година дена, бидејќи парот се смува по снимањето на филмот „Дневниците на румот“. Амбер тогаш ја остави девојката, а Деп долгогодишната партнерка Ванеса Паради, со која има две деца.

Врската пукна по седум месеци, затоа што Амбер го остави Џони затоа што повеќе не можела да го поднесе притисокот на јавноста, и замина веднаш во прегратките на француската манекенка Мари Де Вилпен, инаку ќерка на поранешниот француски премиер Доминик Де Вилпен.

Мари, која повремено работи под псевдонимот Мари Стајс, има правено бројни модни ревии, беше заштитно лице на парфемот Ange Ou Demon, има свој бенд и има глумено во неколку филмови.

„Џони беше целосно скршен, затоа што и посвети на новата врска и дури размислуваше да основа семејство со Амбер“, рече добро известен извор.

И додека Херд си ужива во Париз со новата девојка, Деп наводно се повлекол на еден од своите острови, на кој во екот на љубовта го нарекол по Амбер.