Ѕвездата од „Хари Потер“ филмовите во интервју со Џош Хоровиц зборуваше за својот најнов филм Kill Your Darlings.

„Не знам зошто геј секс сцена во филм би требала да биде пошокирачка од стрејт секс сцена“, рече Даниел на прашањето на Џош дали му било чудно да ја сними сцената со својот колега Дејн Дехаан.

Филмот Kill Your Darlings е инспириран од вистинска приказна, а Даниел Редклиф го глуми геј поетот Ален Гинсберг, кој се вљубува во Луциен Кар, глумен од актерот Дејн Дехаан (Chronicle).

Даниел и порано има кажувано дека ја поддржува геј заедницата затоа што од мал растел опркужен со хомосексуалци и не сметал дека тоа е нешто ненормално или неприродно.

„Немав време да се чувствувам непријатно додека ги снимавме геј сцените затоа што тие беа многу кратки“, вели Даниел. „И не сметам дека улогата ми е чудна, затоа што во Equus глумев тинејџер зоофил, кој сексуално го привлекуваа коњи, па после тоа мислам дека можам се да одглумам.“