По успехот на реалното шоу и големото медиумско внимание кое го предизвика, Џесика реши да сними серија по својот живот.

Познатата пејачка веќе ја снимила пилот епизодата од комичното шоу за својот живот и тоа за NBC, пренесува People.

„Никој всушност не би ни можел да ги замисли работите кои се случуваат во мојот живот. Уште кога на тоа ќе додадам голем тим креативни сценаристи, смеата е загарантирана. Сигурна сум дека ќе ви се допадне“, рече актерката и пејачка.

Симпсон (32) порано имаше реално шоу со бившиот маж Ник Лашеј, кое е емитувано од 2003 до 2005 година.

Не е познато како ќе се вика серијата, но одговорните во телевизијата сметаат дека хуморот на Џесика ќе биде полн погодок.

Додека се чека продолжувањето на снимањето, Џесика ги израдува фановите со веста дека со вереникот Ерик Џонсон го очекува второто бебе. Парот веќе ја има ќеркичката Максвел.