Актерот демантираше дека е во врска со кралицата на бурлеската.

Расел Кроу (48) на Twitter објави дека сепак не е во врска со Дита Фон Тис (40), како што пишуваа светските медиуми овие денови.

„Дита е прекрасна жена, и секој би ја посакал за пријателка. Таа ми е пријателка, не љубовница“, напиша кратко Расел.

Кроу сепак ја искористи шансата на Twitter да го објави секси спотот чија ѕвезда е Дита, што многумина го протолкуваа како знак дека меѓу нив двајцата, сепак, има нешто повеќе од пријателство.

Кроу неодамна се разведе од сопругата Даниел Спенсер, со која беше во брак многу години и има две деца.