Славниот музичар и неговиот сопруг Дејвид Фурниш потврдија дека добија втор син кого го нарекле Елајџа Џозеф Даниел Фурниш-Џон.

Откако минатата недела демантираа, сега потврдија дека малиот Закари доби брат, кој во петокот во Лос Анџелес го роди сурогат мајката, истата која што им го подари првото дете.

„Пресреќни сме и не можеме да го опишеме возбудувањето што го чувствуваме. Раѓањето на нашиот втор син го комплетираше нашето семејство на најубав можен начин. Двајцата сакавме да имаме деца, но реалноста дека имаме два сина е речиси неверојатна“, кажаа Џон и неговиот сопруг за списанието Hello.

Иако истата жена на парот му подари два сина, нејзиниот идентитет се чува во строга тајност.