„Горилата“ кој го чувал тинејџерот сега го тужи на суд поради наводно злоставување.

Моше Бенабу (45), поранешен израелски војник висок повеќе од два метри, тврди дека силниот Џастин Бибер (18) го удрил во градите и грубо го оттурнал, пред да го отпушти.

Бенабу на судот бара отштета од 300.000 долари, плус неисплатените хонорари за работата телохранител која ја извршувал од март 2011 до октомври 2012 година.

Тој во тужбата наведува дека Бибер по еден концерт во бекстејџот неколку пати го турнал и го удрил во градите, а сето тоа на наговор на пријателите кои биле со него во бекстејџот.

„Откако ме изнаудира, ми викна - отпуштен си, и замина“, се сеќава телохранителот.

Менаџментот на младиот пејачт тврди дека инцидентот никогаш не се случил и дека Бенабу добил отказ откако откриле дека во работната биографија напишал дека работел за Џастин Тимберлејк, што не било вистина.

Бибер минатите две недели не се симнува од насловните страници. Повторно раскина со Селена, фотографиран е како „пафка“, а еден папарацо загина гонејќи го неговиот автомобил.