Сакаш нешто да им порачаш на Ријана или Ким Кардашијан, а не ги следиш на Facebook? Во ред, спреми ги парите, па дури и ако не си нивни пријател, можеш да им пратиш порака.

Facebook моментално експериментира со наплата на пораки за личности со кои не сме пријатели, со кои немаме заеднички пријатели или чии не сме фанови. Доколку тоа е некој „обичен“ корисник, праќањето порака чини еден долар и тоа е веќе позната работа, но сајтот Mashable открил дека со познатите личности, како Марк Зукерберг праќањето на порака се наплатува околу 100 долари.

Ако пораката кон Марк вреди сто долари, колку ли чинат пораките за Ријана или Ким Кардашијан?

Наплаќањето за праќањето пораки на непознати контакти и фан страници на Facebook е воведено за да се спречи спамувањето на тие корисници, како и други злоупотреби. Сите приватни пораки кои ќе ги праќате и добивате од непознати за вас корисници ќе бидат во Other сандачето на местото на Facebook пораки.

Наплатата се врши преку некој од јавно достапните сервиси на интернет. Што би ги прашале вие познатите и по која цена?