Пејачот Елтон Џон и неговиот сопруг Дејвид Фурниш станаа родители на уште едно момче, кое го роди истата сурогат мајка.

Елтон (65) и Дејвид (50) во 2010 станаа родители на малиот Закари, кој го роди сурогат мајка од Калифорнија, а сега им подари уште еден син, пишува британскиот печат.

Портпаролот на славниот музичар кратко соопшти „дека никогаш не зборува за приватниот живот на Елтон“, но затоа секогаш се тука пријателите кои велат дека парот е пресреќен што добил уште еден син за кого уште минатата година уредија соба.

Кума на малиот Закари е Лејди Гага, еден од најголемите борци за геј популацијата во светот, па можно е таа да биде кума и на вториот син на Елтон и Дејвид.