Откако е објавено дека младиот пејач „пафка“, негови обожавателки почнале да се сечат.

Џастин Бибер неодамна беше во центар на нов скандал, откако се објавени фотографии на кои пуши нешто што страшно многу личи на џоинт.

Неговите обожавателки, кои би направиле се за својот идол, „паднале“ на шегата објавена на Twitter под хаштаг #cutforbieber. Неименуваниот „шегаџија“ напишал дека секоја девојка која го сака Џастин мора да се пресече и да постави фотографија од своите исеченици, за да го натераат да се замисли што им прави на своите обожавателки со тоа што се дрогира.

Десетина девојки поставиле фотки од исечениците на својата рака со тој хаштаг, што поттикна една организација за помош на тинејџери да се огласи.

„Самоповредувањето не е шега, и не би требало да се сфаќа лесно. Не мислиме дека овие потези се добра идеја, и ја повикуваме целата интернет заедница да им помогне на децата кои на ваков начин ги решаваат своите проблеми“, соопшти организацијата Young Minds.

„Самоповредувањето е опасно и е симптом на тешка физичка состојба. На овие млади луѓе им е потребна помош, а не зафрканција по интернет“, се наведува во соопштението.

Неодамна слична „шега“ доведе до тоа обожавателките на Џастин да се избричаат голи глави. Непозната личност на Twitter дека Бибер боледува од неизлечива болест, па тинејџерките побрзаа да си ги избричаат главите во знак на поддршка.