Ако им се верува на гласините на западните медиуми, Адел прв пат по породувањето ќе настапи на доделувањето на Оскарите и ќе ја изведе песната на Бонд, Skyfall, во рамки на прославата на постоењето на тајниот агент веќе половина век.

Пејачката, чиј албум 21 ги собори сите рекорди во продажба во Европа, а втора година по ред е најпродаван во Америка, прв пат по породувањето би требало да се појави на најгламурозниот холивудски црвен тепих и како пејачка на песната за последниот Бонд, но и како кандидат за Оскар.

Меѓутоа, се уште е неизвесно дали песната Skyfall, чиј автор е и Адел, ќе биде во конкуренција за најдобра оригинална песна затоа што во неа се наоѓаат и делови од оригиналниот музички саундтрак за Бонд.

Филмот Skyfall на кино-салите ширум светот заработи повеќе од милијарда долари и исто така е меѓу кандидатите за номинација во категоријата за најдобар филм.

Списокот на номинирани во сите катеогрии ќе биде откриен денеска, а 85 доделување ќе биде одржано на 24 февруари во Лос Анџелес.