Три полициски возила и хеликоптер побрзале во домот на холивдуските ѕвезди во Лос Анџелес.

Анџелина Џоли и Бред Пит имаат куќа во Лос Анџелес, во која престојувале за време на празниците. Во петок навечер, полицијата добила повик од домот на ѕвездите, направен со помош на копчето за паника, тастер кој сопственикот на куќата го претиснува кога ќе процени дека е во опасност од провалник или слично.

Три полициски автомобили и еден хеликоптер одговориле на повикот, но во куќата ја затекнале само дадилката и шесте деца со палави насмевки. Дадилката, која не е именувана, објаснила дека децата го претиснале тастерот за паника.

Бред и Анџелина, кои наводно се венчале во тајност за време на празниците, не биле дома. Парот се уште ги нема потврдено, ниту демантирано, гласините за венчавката.