Младиот пејач е фотографиран со „сомнителна“ цигара од домашна изработка.

Џастин Бибер изминатите недели не се симнува од насловните страници на таблоидите. Прво фотограф загина бркајќи го, потоа повторно раскина со девојката Селена Гомез, а сега е овековечено како пуши нешто што можеби и не е цигара.

Фотката од Бибер со наводниот џоинт настанала во хотелска соба во Њупорт, Калифорнија, а на сликата има весело друштво и сите ја пуштаат „замотаната“ цигара.

Изворите на сајтот TMZ кои ги објавиле фотките, тврдат дека еден од гостите донел огромна количина на марихуана за да го развесели друштвото во собата и дека Џастин дефинитивно пушел џоинт.

Пејачот се нема огласено по повод овие фотографии. Инаку, фотографот кој загина гонејќи го автомобилот на Џастин кој воопшто не го возел Бибер, на еден од своите колеги претходниот ден му кажал дека го видел Бибер како пуши марихуана.