Најпознатиот грчки претставник на Евровизија на 3 јануари стана татко по втор пат.

Пејачот Сакис Рувас на Twitter профилот напиша дека е пресреќен што два дена пред својот роденден стана татко на уште едно девојче.

„Ова е најдобриот роденденски подарок било кога. Мојата втора ќерка е овде и јас сум најсреќниот човек на светот“, напиша Сакис кој денеска го слави својот 41 роденден.

Сакис со манекенката Катја Зиголи се ожени минатата година, а првото дете го добија уште во 2009 година, по речиси шест години забавување.