Авторот на филмската франшиза „Војна на ѕвездите“ се верил за 25 години помладата Мелоди Хобсон.

Џорџ Лукас (68) и поранешната новинарка и една од водечките личности на Dreamworks Animation се вериле за време на празниците, а портпаролот на неговата бивша продукциска куќа Lucasfilm само кратко потврди дека славниот режисер се верил, но не сакал да каже кога, каде и дали парот наскоро ќе се венча.

Иако медиумите пред седум години, кога почнаа да се забавуваат, не им предвидуваа светла иднина, парот успеа својот приватен живот да го задржи подалеку од очите на јавноста, а веридбата е само уште еден доказ за нивната љубов и покрај разликата во годините и работните обврски.

Лукас од првиот брак има три деца, а за Мелоди, ако се венчаат, ова ќе биде прв брак.