Путин му го одобри на актерот руското државјанство и најави дека го чека со раширени раце.

Жерар Депардје доби руско државјанство, откако соопшти дека ќе се откаже од францускиот пасош поради зголемување на даноците за богаташите.

Француската влада предлага закон со кој на граѓаните со приходи повеќе од милион евра годишно ќе им се наметне данок од неверојатни 75%.

„Владимир Путин ја потпиша одлуката со која му се доделува руско државјанство на актерот Жерар Депардје“, соопшти Кремљ.

Путин порано Депардје го нарече „успешен бизнисмен и пријател“ и кажа дека Русија, во која често гостува поради фестивали и други случувања, ќе го пречека со раширени раце.