Американската актерка рече во интервју за британскиот Telegraph дека сака со сопругот Адам Шулман да има многу деца.

„Сакав да бидам мајка од 16 години. Сега имам 30 години и сакам големо семејство. Би сакала да родам неколку, но и да посвојам, колку што можам“, рече Ен.

Хетавеј додаде дека во изминатите 12 месеци имала цел која била „сними филм, сними филм, сними филм“.

„Сега би можела да кажам: роди дете, роди дете, роди дете.“

Актерката која со својата улога Фантина во „Клетници“ доби одлични критики и чија улога на Жената мачка во „Подемот на мрачниот витез“ е наречена „спектакуларна“, вели дека е задоволна со 2012 година.

„Со апсолутна сигурност можам да кажам дека 2012 ми беше најдобра година. Беше спектакуларна и прекрасна. Играв во два прекрасни филма, наполнив 30 години и се омажив за љубовта на мојот живот“, рече таа.