Актерката во април наредната година ќе го издаде својот втор готвач во кој акцентот ќе биде на здравата, но и многу вкусната храна.

По книгата семејни рецепти My Father's Daughter во која имаше и такви кои беа далеку од здрави, Гвинет Палтроу одлучи да издаде уште една без мрсна и презачинета храна.

Новата книга, која актерката ја нарекла It's All Good: Delicious, Easy Recipes That Will Make You Look Good And Feel Great ќе биде објавена во април наредната година и во неа ќе има 185 рецепти.

„Со овие рецепти сигурно ќе изгубите вишок килограми, убаво ќе изгледата и ќе бидете задоволни и полни со сила, а се е многу вкусно“, вели Гвинет и додава дека и оваа, како и претходната, сама ја напишала „од корица до корица“.

„Секој збор е мој, ова го правам од љубов“, така ги демантираше актерката наводите дека таа само е потпишана на корицата од првата книга.