Ник Стал, ѕвездата на третиот дел „Терминатор“, уапсен е затоа што направил нешто што не се прави на јавно место.

Стал (33) е уапсен затоа што се самозадоволувал во кабина за пресоблекување во еден секс шоп во Лос Анџелес, пишува американскиот печат.

Пуштен е со кауција и ќе биде обвинет за реметење на јавниот ред и мир. Стал инаку веќе со месеци прави проблеми поради зависноста од дрога и алкохол, а неодамна неговата поранешна сопруга пријавила дека исчезнал од установата за рехабилитација.

Стал кариерата ја започнал уште како дете, во филмот „Човек без лице“ со Мел Гибсон. Во третиот „Терминатор“ Стал ја презеде улогата на Џон Конор од подеднакво проблематичниот Едвард Фурлонг. Актерот го знаеме и од филмот „Градот на гревот“ и други.