Принцот Вилијам и бремената сопруга Кејт ќе го поминат Божиќ кај нејзините родители, а не со кралицата како минатата година, рече портпаролот на палатата Сент Џејмс.

Тие ќе простојуваат во резиденцијата Миделтон во Баклбери, селото во грофовијата Беркшир, западно од Лондон. Подоцна ќе отидат во Сандрингам, Норфолк во резиденцијата на кралицата каде што кралското семејство традиционално ги поминува новогодишните празници, рече портпаролот.

Минатата година Вилијам и Кејт за Божиќ беа во Сандрингам кога принцот Филип итно е хоспитализиран поради операција на срцето.

Освен брачниот пар Миделтон, Керол и Мајкл, и сестрата Пипа и братот Џејмс ќе слават Божиќ со Вилијам и Ќејт.

Во неодамнешно интервју за неделното списание The Spectator, Пипа откри дека нејзиниот брат Мајкл сака да се маскира за Божиќ и дека пред неколку години се појавил во костум за надувување на сумо борач.