Фамозната убавица Кармен Електра е во прегратките на „страшниот“ судија од музичките реални шоуа.

Сајмон Кауел (53) е во врска со Кармен Електра (40). Судијата поради кој многу шоубизнис таленти во пелени се тресеа од страв, па дури и плачеа, успеа да ја смува една од најпознатите убавици од насловните страни.

„Кармен и јас се гледаме. Не можам баш да кажам дека ми е девојка, но дефинитивно се гледаме. Ние сме двајца луѓе кои излегуваат и уживаат во заедничко друштво. Кармен е прекрасна“, рече Кауел.

Електра беше во брак со кошаркарот Денис Родман и рокерот Дејвид Навар, додека Кауел беше верен за шминкерката Меган Хусеини, со која се разведе минатата година.

Кауел, кој важи за прилично неуреден маж без трошка стил, успеа да ја смува Електра „со зборови“, откри самата убавица.

„Тој е прекрасен. Толку е шармантен и духовит, тоа е неверојатно“, рече Кармен откако папараците ги фотографирале заедно во Лос Анџелес.