Веројатно бракот на 82-годишниот глумец и режисер е во проблеми. Клинт Иствуд и неговата 47-годишна сопруга Дина, имено, веќе не живеат заедно, ако им веруваме на светските медиуми, а тоа е само уште еден засилувач на веќе постоечките гласини за нивниот развод...
Дина неодамна поминала една недела гостувајќи како водителка на NBC во Калифорнија, а неименуван извор за National Enquirer изјавил: "На Дина и недостасуваше да води вести и планира тоа да го работи почесто, особено сега кога патиштата на неа и Клинт се разделија. Мислам дека сака повторно да создаде свој живот, без него".
Изворите изјавиле дека Клинт и Дина се препирале околу нејзиниот ангажман околу јужноафриканскиот машки бенд Overtone и реалити серијата "Mrs. Eastwood & Company" која се прикажува на телевизијата E!: "Сите кои работат на серијата се прилично свесни дека таа и Клинт не поминуваат многу време заедно. Сите знаат дека не живеат заедно".
Клинт и Дина се во брак од 1996 година.
