Бидејќи мајката на четири деца е премногу зафатена со модата, Spice Girls бараат замена со реално шоу.

Мелани Браун, Мелани Чизлом, Џери Халивел и Ема Бантон планираат да ја вратат на сцената најуспешната женска група, но проблем им претставува фактот што Викторија Бекам е зафатена со семејството и модната кариера, и повеќе не сака да се занимава со музика.

„Девојките планираат вистински бум, но свесни се дека како четворка нема да успеат. Затоа, планот е да пронајдат нова Викторија, и тоа по пат на реално шоу“, рече извор близок на преостанатите членки на Spice Girls.

Во Лондон неодамна е претставен мјузиклот Spice Girls, а госпоѓа Бекам задоцни на премиерата, не сакаше да се фотографира и се држеше подалеку од останатите девојки.

„Викторија ги почитува своите колешки, и им посакува среќа во професионална смисла, но и приватно“, кратко соопшти портпарол службата на Викторија Бекам.