Штотуку наполни 18 години, а веќе е во план и телевизиска серија инспирирана од неговиот живот.

Неговата музичка кариера почна на YouTube порталот каде американските продуценти го забележале по неколку учествувања во канадски музички натпреварувања. Иако многумина на почетокот не веруваа во неговиот успех, младиот Џастин Бибер стана еден од најбараните и најпопуларни изведувачи на денешницата.

Во склад со тој статус кој го ужива, Бибер сними и автобиографски албум, гостуваше во некои од многу популарните серии, а сега телевизијата ABC ќе сними и ситком инспириран од неговите детски денови.

Списанието TV Guide пишува дека серијата на комичен начин ќе прикаже како Бибер, кој ќе биде еден од продуцентите, од сосема анонимно момче станал светска ѕвезда, а некои дури и го сметаат за следниот крал на попот.