Vogue, најславното модно списание во светот, за јануарската насловна на своето американско издание ја избра прекрасната Гвен Стефани...

43-годишната убавица за ова издание ја фотографираше Аnnie Leibovitz, а стилистите одлучиле да ги исфрлат гламурозните фустани и да ја облечат во малку мажествен шпански стил.

Со огромниот шешир, белата кошула, црните панталони и машна, Гвен на насловната страна блеска во златно сако со потпис од куќата Saint Laurent, а стилистите не го промениле нејзиниот заштитнички "make up" изглед па така на нејзините усни повторно се наоѓа неизбежниот црвен кармин.

За Vogue открила дека е воодушевена што групата No Doubt повторно се собра: "Ние од секогаш бевме индивидуалци. Не припаѓавме никаде. Не сме "grunge" група ниту пак женски бенд. Се обидов да создадам соло кариера, но кога сум во No Doubt, тоа сум вистинската јас."