Пејачот твитнал фотографија од повредите и напишал дека сепак победил.

Мерилин Менсон на својот Twitter профил поставил краток опис на тепачката во која учествувал во Швајцарија.

„За малку ќе станев Ван Гог, ми ставија 24 конци“, напиша шок-рокерот и постави фотка на која се гледа дека увото му е зашиено и излепено со фластери.

Менсон додаде дека тепачката избила во бар во Базел, каде што настапувал, и дека доживеал „блиска средба“ со стаклена маса.

„Сепак, другиот учесник го извлече подебелиот крај“, се пофали пејачот.