Иако нема ни албум, ни турнеја, Бритни Спирс е првата на листата на пејачки кои најмногу заработиле во изминатата година.

Бритни Спирс (30) има најмногу заработено во изминатите 12 месеци, па е побогата за 58 милиони долари, објави списанието Forbes. Ова е „нечуено“ затоа што Бритни нема ниту актуелен албум, ниту отиде на турнеја, што е обично случај со пејачките кои прават невидена сума за само година дена.

Бритни милионите ги зработила со повратничкиот, минатогодишен албум Femme Fatale кој фановите очигледно и понатаму го купуваат, местото како судија во X Factor за што доби 15 милиони, и разните спонзорски договори и реклами. Бритни исто така убавата сума ја добива продавајќи неколку парфеми со нејзиното име.

На листата на Forbes следна е Тејлор Свифт со 57 милиони, Ријана со 53 милиони, Лејди Гага со 52 милиони, па Кејти Пери со 45 милиони.

На листата се и Бијонсе со 40 милиони и Мадона со 30 милиони долари.