Канадски хакер од компјутерот на пејачката ги украл нејзините разголени фотки. Уапсен е и обвинет.

Карли Реј Џепсен, сопственичката на глобалниот хит Call Me Maybe, се нашла на насловните страници на таблоидите кога се дозна дека има разголени фотки.

Фотографиите од нејзиниот компјутер ги украл канадскиот хакер Кристофер Лонг и се обидел да им ги продаде на таблоидите.

Полицијата распишала потерница по хакерот, кој потоа сам се предал во Ванкувер, каде што е обвинет за телекомуникациска измама, кражба на идентитет и поседување на украдена сопственост.

Џепсен уште во март пријави дека компјутерот и е хакиран, а од тогаш неколку пати мораше да демантира дека меѓу фајловите се наоѓала и „домашна снимка“.