И Памела Андерсон се најде на удар на собирачите на данок затоа што „заборавила“ да плати повеќе од 300.000 долари данок за минатата година.

Иако богатството на сексипилната русокоса е проценето на 30 милиони долари, Памела на државата и долгува 371.514 долари и доколку до крајот на месецот не ги плати и се заканува казна од дури четири години затвор.

Додека на Линдзи Лохан, која е во ист проблем, и помага Чарли Шин, Памела нема „спонзор“ па планира хонорарот од реалното шоу Dancing On Ice да им го даде на собирачите на данок, но проблемот е во тоа што се уште не е сигурно дали тие пари ќе бидат на нејзина сметка до крајот на декември.

Памела веќе неколку пати беше во сличен проблем, па не се сомневаме дека ќе го реши и сега.