Пејачката од продуцентите на шоуто X Factor USA бара 2,3 милиони долари отштета поради, наводно, неисплатени хонорари иако од мај повеќе не е судија за таленти.

Шерил Кол во тужба портив продуцентската куќа Blue Orbit Production навела дека потпишала договор според кој хонорарот за учествување во две сезони од емисијата морал да биде исплатен без оглед на тоа дали организаторите ќе го раскинат договорот или не.

На Кол до сега и се исплатени „само“ 1,8 милиони долари за првата сезона, а пејачката на неисплатениор хонорар ги додала и трошоците за секојдневните „ситници“, гардеробата и престојот во Америка.

Продуцентите уште немаат реагирано, а американските медиуми наведуваат дека Шерил месечно за сместување во луксузните хотели по Лос Анџелес трошела по 15.000 долари, стилистот ја чинел околу 25.000 долари, додека на „ситници“ и гардероба потрошила околу 100.000 долари.