На најмладиот член на познатото актерско семејство му се смешка затвор поради затајување на данок.

Стивен Болдвин (46) и официјално е обвинет за затајување на данок пред судот во Њујорк, поради долг од 350.000 долари. Актерот воопшто не платил данок од 2008 до 2010 година.

Доколку биде прогласен за виновен, Болдвин би можел да добие и до четири години затвор.

Неговиот адвокат Расел Јанквит рече дека актерот ќе се изјасни дека не е виновен, затоа што не направил никакво злосторство, додека обвинителот вели дека Болдвин на државата и ускратил пари кои, меѓу другото, можеле да бидат „искористени за подобрување на условите во локални болници и училишта“.

Стивен е најмладиот од четворицата браќа Болдвин.