Актерот Чејнинг Тејтам вели дека ќе земе година дена одмор од снимање филмови.

Актерот вели дека целата наредна година ќе одмара од глумење, но ќе си ја проба среќата зад камерите.

Оваа година Чејнинг Тејтам стекна светска слава, сними пет многу успешни филмови и стана најсексипилниот маж на планетата, па наредната година планира, ако успее, да се повлече од јавноста и да и се посвети на режијата.

Чејнинг Тејтам вели дека веќе има неколку идеи кои со задоволство би ги режирал и дека со нив ќе се занимава следната година, кога во кино салите ќе се појават филмовите G.I. Joe: Retaliation, Side Effects, White House Down и Foxcatcher, кои ги сними оваа година.

„Поради неверојатните шанси кои ги добив како актер не сакам да ја запоставам другата работа која ја сакам. Сакам сериозно да и се посветам на режијата и мислам дека со косценаристот на Magic Mike, Рид Керолајн, ќе успееме да направиме добар филм.“