Контроверзната поп дива купила 55 парчиња облека кои припаѓале на починатиот крал на попот.

Лејди Гага купила 55 парчиња облека кои некогаш му припаѓале на Мајкл Џексон.

Пејачката облеката ја купила на аукција во Julien's овој викенд, а потоа се пофалила на Twitter: „55 парчиња облека кои денеска ги купив ќе бидат архивирани и спакувани за да се зачува духот и љубовта на Мајкл Џексон, неговата храброст и фановите ширум светот“, напиша таа.

Не е познато точно за кои парчиња облека станува збор, но со продажбата на истите се собрани вкупно пет милиони долари. Јакната која кралот на попот ја носеше во спотот за песната Bad продадена е за 240.000 долари.